DUNYA BARU

 LANSA PENGARANG (TUAI RUMAH DUNYA BARU)

PENGIDUP AKU

Meri tabi basa ngagai semua..
ditu aku deka nusi pendiau diri..sekali ka kitai mayuh deka macha tauka enggai, nya terpulai ngagai siku-siku..nadai rugi enti enda macha..sebedau ku nerus ka tusun leka jaku ku ditu, ku enggai enda minta ampun dulu enti leka jaku ku ditu bisi mangka, negu, ngerimbas, nyeriri, ngachau, ku minta ampun amai-amai..nadai ba ati ku din deka ngereja pengawa bakatu..enggau basa ti besai ku meri terima kasih ngagai kitai mayuh ti bisi meri sukong ngagai ruai DUNYA BARU aku ditu..

Jejuluk urang bujang….
Nyadi bujang tu endang baru angkat bujang. Bejuluk ka ”bujang ngumba, semina rindu beduan aja..keda dipansa,sigi ditawis ngapa..bujang runggu,dikumbai enda nganu,tang udah ditegu,sigi beraie nyabak minta sinu”. Bujang pala menua tu ngelar diri entakit ba dunya internet..nama glemar..

Penatai….
Penatai menua kami ari menua pelilih JULAU,SARIKEI..Diau nguan pala menua,ulu sungai nadai jalai.. Menua jauh ulu sungai, batang mujok enda alah semerai,enda mudah rangkai.. Alai penatai batu kerangan ai sungai… Alai penyangkai tanah temuda repa pala menua…menua jauh enda alah anti enda alah japai, menua semak enda alah gagai enda alah pegai.

Pengidup diri empu..
Maya lepa rindu ke pengawa ngasu beburu, sebelah kampong neresa temuda. Mukat ngelekat sebelah sungai. maya bumai rindu enggau beduruk, laban nyengulai sida ka dara..hehe..rindu mega bejalai sebelah kampung, ngiga jelu enggau upa..maya ngabang sigi datai enti nadai penanggur, kenu ku ati din, ngicha ka bulih ambai.. Pulai  permisi selalu enggau sida indai ngintu lada, ngintu getah.. nadai endur lepak bukai selain lepak ba kebun.. Enti di mengeri maya lepa sigi dikena neresa internet.. rindu mega meda movie.. Rindu amat berkelala enggau sapa-sapa aja..

Maya agi mit anak rumah panjai lama baka aku suah ngejera pengawa baka manjuk,nyetik, nyempulut burung sebelah rumah sebelah sungai..maya bejalai ka tanah enggau bala kaban, rindu begiga ka buah kemunting, buah lemba, buah entimau, buah lengki, buah senggang, buah lengkan, buah jugam, buah ensurai, buah engkabang mega,buah ridan, buah wee enggau mayuh agi..bisi nya nyamai bisi nya enda..empa aja..

Agi mit aku teleba dibai sida indai bejalai ke tanah.teleba diempa nyemetak, gigit nyamuk,semut gatal,tutu kerengit..teleba mega diau dikampung, tindok dalam babas..sigi baka urang ke nguan pala menua.. agi mit rindu amai main sebelah baruh rumah, ujan panas nadai diperduli, bekaban enggau bala bakih ari pagi datai ke lemai.. mandi ba sungai nadai nemu pulai, ulih urang tuai ngemba enggau muam..nya baru pulai..maya nurun sekula, ulih apai indai nganjung belama..kadang-kadang pulai rari ari sekula, tegal enda betah..agi mit mega, enggai amai besekula, main ti numbur satu..

Aku mega nemu ngelala buah babas ke tau diempa. ngelala kayu-kayu kampung, ngelala upa ti tau diempa..bujang rumah panjai tu, sigi chulin..sigi anak iban..Tang semua pengawa nya sigi nadai ulih kena ngiga kerja ka dudi ari ila, ukai nya bisi sijil..hehe

enti bisi bilun mansa ngerimbas menua kami, rindu kami beterauh sambil nujuk ka ari penatai bilun..ukai nya kala meda bilun semak..ba ati din kati meh bilun besi tau terebai..alit ati meda utai nya..ku ati din ngegu aja pama meh, enda ibuh ka nepan.. target dalam ati din, dah besai aku mesti ka nepan bilun.. nadai jalai bukai enti ka nepan bilun enti enda belajar bendar..tang diatu semua nya ukai agi fantansy tang dah nyadi reality..terima kasih tuhan, terima kasih apai enggau indai, terima kasih aki enggau ini..ti udah ngidup ka aku sampai ka tahap diatu.. dah besai bulih pemandai mungga mit ari tuhan..

ukai nyamai sida apai enggau indai ngidup ka bala kami menyadi, kerja berambun ka nyawa, indai kerja belama enda ngira lelak sakit..aki kerja ba kebun berari ngiga anak duit kena nulong nyengula ka aku..ngicha ka menyana baka urang bukai..amai tusah kami anak urang pala menua ngidup ka diri empu, deka ngagi julok ati.. enda liat ati tau tinggal, baka kaban aku ti bukai, sanggup badu sekula, enda terabis ka pom 5.. pengeliat ati, kering semengat ngemai aku tau datai ba tahap tu..
huhu…sinu amai meh asai ati ku lebuh nulis tu..ngenang apai indai di rumah jauh tinggal di menua..

Bedau kala bisi tawing.hehe..TOK PALING PENTING !!

DIATU..
Umur baru manggai  22 tahun(sigi bujang bungas_hehe)..
Aku baru dah abis pelajar ba siti palan pelajar tinggi ba uitm sarawak..naka meh penyamai belajar ba universiti, lebih-lebih agi kami anak menua ulu sungai jauh ari pemansang.. ba kami, ngembuan pelajar tinggi, baka utai ti mustahil ku laut..
nyadi diatu aku nyambung pelajar aku tinggi ka agi, ba UMS (sabah)..ngicha ka pengidup dudi ari nyamai baka urang bukai..tuju ati deka ngasuh apai enggau indai senang lantang..enti ku bisi kerja tetap gaji besai..hehe..

EMPAI LAMA TU UDAH..
BARU BULIH PANGKAT LEFTENAN MUDA TUDM..HEHE BANGGA AMAI NYADI TUAN.. hehe bekas agung meri tanda pangkat.. ukai nyamai-nyamai ulih betemu enggau bala sultan enggau agung..dalam ati din, huh..bangga amai-amai…

Ke penudi aku meri besai terima kasih ngagai kita ke bisi DATAI NERESA DUNYA BARU aku tu. taja ruai kami tu enda tentu manah, sigi baka ruai digaga ari rumah kayu, bakatu meh ia..

PUCHAU LELENGGAU SERIBU JAYAU..

hooohaaaa..hhoooohhhaaaa..saa..dua tiga empat lima enam tujjjuuuuhhh..ni kita petara aki..petara ini..petara apai petara indai..tu aku manjung minta tulung..aku ngangau minta tenggau..minta bantu..minta turu..ngasuh lansik..ngasuh bidik..ngasuh kena..ngasuh ngena..nguntik dara bunsu dunya..nguntik ambai bunsu ruai..mai bebakih mai bekaban..mai besulu mai bepangan..ngasuh beraie merampau nyadi..nyabak deduie mai jadi..ti nda jadi sanggup mati ba pedang besi..ti nda begulai sanggup parai ke batang mandai..”

ANANG NGANU AUK..
-entakit-

Email aku; drlands87@gmail.com

maya aku nerima tanda pangkat ari agong (Tuanku Jaafar ibni Almarhum Tuanku Abdul Rahman)..maya pentauliahan semua pegawai baru ba shah alam..bulih pangkat leftenan muda pama meh..bangga amai nyadi tuan..