GEMPUNG CERITA TUAI IBAN


TERIMA KASIH NGAGAI GROUP MAJALAH PEGARI TI UDAH NULONG NGETAN KA CERITA ASAL KITAI IBA.. AKU PAN UDAH NGEMBUAN BUP TU.. MANAH AMAT BUP, TAJA PAN REGA IA RM50.. JANGKA AKU REGA NYA PATUT, ENTI DIBANDING ENGGAU PENGELELAK NGIGA CERITA TI LAMA, ARI SIKU-SIKU.. NGAGAI KITA TI EMPAI BISI BUP TU MELI NGAGAI SIDA PEGARI.. SUKONG MEH SIDA IA..BUP IBAN

 

RINGKASAN..

Dalam bup Gempung Jerita Tuai Bansa Iban tu penulis bisi ngenang asal penatai bansa Iban ke Sarawak; pun penatai pengarap asal bansa Iban ti betumbuh ari Aki Jugu Menaul Tuntung, Aki Lang Sengalang Burung, Aki Lai Kelabu Tajai Meratai Punggung enggau sida menyadi; pun Iban nemu nyembah Petara ngena piring nunda adat pungkal Pulang Gana Serangkang Kirai, Raja Sua Sebasah Rangkai; pun Iban nemu ngintu pemati sereta nirika bunuh (kayau) nunda adat pungkal Serapuh ari ajar Puntang Raga; pun Iban nemu beburung nunda adat pungkal Sera Gunting; pun Iban nemu besapat dikena ngintu emparu orang ke beleman tauka jadi salah serak; pun Iban nemu nunggu, nemu nyembah Petara ngena api, nemu mutarka penyarut ngena chara ke alam ai ari jerita Simpang Impang enggau Bunsu Ribut; pun Iban nemu betenun, nemu bepemaika tajau lama, nemu nyabung manuk, nemu adat mali butang antu, ngemulu antu, berangkat antu enggau berangkat tulang; pun Iban nemu bederian, nemu bejamban, nemu belalau sereta nemu bepanti nunda adat pungkal Gerasi Belang Pinggang.

Kelimpah ari nya, penulis mega bisi ngenang asal mensia nyadi nitihka pengarap asal bansa Iban; pun Iban nemu bechuanka Bintang Banyak enggau Bintang Tiga maya bumai betaun; pun Iban nemu bechenaga ngena atau tauka ati babi; pun Iban nemu ngulihka ikan ngena chara ke dikumbai nubai; pun Iban nemu betekan sereta ngena lia maya beranak; ngenang siku tuai Iban ari Batang Lemanak ke benama Meradana anak Berauh Ngumbang seduai Beredai ti nyelamatka apai iya sereta nanka Iban di Batang Skrang ari ti nunduk ngagai Raja Merum Brunai lalu ke penudi iya penulis bisi ngenang jerita Balang ke bensumbar Balai Nyabong, iya nya siku Raja Berani bansa Iban ke tau keramat sereta tau dikumbai nyelai ari Raja Berani bansa Iban ke bukai ke sama tampak rita, pegari nama maya nya menya.

TIBAK JERITA

Lebuh orang benung mandi di pendai, datai dih indu siku. Indu nya bajik amat gamal. Mua iya lelisa baka perenama bulan rumpang. Kuyu iya jejepu baka telu manuk kepayang. Mata iya manah ara baka leka pelaga gitang. Idung iya manchung baka simbang putung puang. Buk iya panjai merundai bauh ngelegetang. Mulut tusu iya manah udu baka menalu bungkung tapang. Tunjuk jari iya lunchik baka sumbuk lia jerenang. Burit iya manah kuit jungkang geranjang. Kaki iya manah lelanji baka kaki buntak balang. Kulit iya burak ngupak umbang. Jaku iya lembut baka daun bunut didiang. Leliau dagu rapau baka ke tau kena betenggau ke sadau ngelaban petang. Pejalai iya manah ditimpai baka rayah ai anyut. Tubuh iya manah tukuh baka ke diraut. Nyawa iya ngaba bau rengut.

Ari Batang Ai, bansa kitai Iban ke pindah tunga ke barat lalu nyadi Iban Remun, Iban Balau, Iban Undup, Iban Dau enggau Iban Sebuyau; raban ke milih menua tengah lalu nyadi Iban Kumpang enggau Iban Belambang; raban ke pindah tunga ke utara lalu nyadi Iban Batang Ai, Iban Skrang, Iban Lemanak enggau Iban Saribas. Bala menyadi kitai ke enda enggau pindah ari Kalimantan Barat, Indonesia lalu nyadi Iban Kanyau, Iban Merakai enggau Iban Danau datai ke sehari tu.

About these ads

About Timberland J

SALAM 1Malaysia, terima kasih kerana telah berkunjung ke laman ini..APA pendapat anda tentang artikel ini ?

Posted on 03/05/2008, in dunya iban. Bookmark the permalink. 2 Comments.

  1. Lang Burik

    Ba penemu aku,aku agi enda likun ati ngenang penatai bansa kitai Iban..kebuah pia,aku bisi terbaca ke siti artikel ti ngenang pansik selentang penyadi enggau pemindah mensia datai ke Asia Tenggara. Enti nitih ke pansik nya,pemeri kitai Iban ngagai Asia Tenggara atau kelebih agi dunya ke maya ari cukup besai pemeri ari kitai Iban ba Penyadi dunya enggau penyadi mensia..manah kitai bela mansik enggau silik agi selentang kitai Iban,uji kitai bela berati ke Artikel tok..lalu sama meh kitai nguji berunding lalu ngenang utai ti jauh agi,utai ti dalam ari ikas pengiduo kitai Iban kemaya ari

    http://www.plosone.org/article/info%3Adoi%2F10.1371%2Fjournal.pone.0016338

  1. Pingback: GEMPUNG CERITA TUAI IBAN | Ibanology

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 68 other followers

%d bloggers like this: