ENSERA IBAN ENTAKIT NYULUK SIBAU KUNSI


Entakit nyuluk sibau kunsi

 

Bisi sekali musin buah, dia deh sida entakit serumah baum, ngaga miting. Nyadi semak rumah panjai sida bisi sigi pun sibau ti benung ngelilin pemansau ia. Pun sibau tu asil ari projek di beri perintah ngagai sida.. kenu ku jerita, buah sibau tu cukup ia penyamai lalu lebat bebuah.. baka ke diatur pun buah nya belakang ujung bilik sida entakit.. ngenang sida ka miting nya tadi, dia deh tuai rumah sida bisi meri jaku tangkan, pun sibau nya enda tau tiki ngapa, enti enda maya ti patut.. nyadi sida serumah setuju magang..pia mega unggal kitai entakit tu. Ia meh tuai rumah bejaku, entakit laban sigi ti manchal mimit, selalu nunda jaku tuai sida ia nya laban ti bisi tirur mimit.. ba aum sida barang sapa ditemu niki pun sibau nya deka ditunggu adat.. semua setuju ka danji sida.. kebendar entakit tu sigi enda tentu setuju, laban ia tu sigi urang ti enda nemu jaku. Bisi aja ajenda ka digaga ia. Aum juak aja.

 

Pengudah seminggu udah aum nya. Dia deh entakit lalu deka nguji ngulih ka buah sibau nya. Nyu enda nakal agi ati ia dake makai buah sibau nya..entakit ukai ningka jaku, enda tau ku urang nya ka agi ia ngaga.. Ia pan lalu ngaga penyuluk kena ia.. lapa deh mayuh meh buah ti ulih ia.. tak ngembuah kediri da kaban.. nyadi maya ke berjuluk ke buah nya, dia deh bisi sida ia serumah meda ia, apai ahuk.. nama deh lalu dipadah ka ngagai kumiti deh penyalah ti digaga entakit nya.. tang entakit mimit pan nadai berasai salah..

 

Lebuh ti deka ngukum entakit, dia deh entakit nadai madah ke diri salah belama. Enda deh ia niki pun sibau nya..ku entakit bejaku ” aku nadai niki pun sibau nya akan, tang nyuluk aja..munyi ku aum kitai suba, pun sibau nya enda tau ditiki aja.. tang nyuluk nadai ga aku ninga ditagang.. nya meh aku nyuluk aja..”. dia deh nyu enda nyadi deh sida deka ngambi adat ba entakit deh.. Entakit endang landik nyaut utai ditanya urang.. dia deh enda ditunggu adat.. gaga deh tudah tuai.. dah nya aum sida diberunsai ke baru lalu ditusun.. pia meh ensera entakit ka nyuluk sibau aja ukai niki..

 ABIS……………………………………………….

Advertisements

3 comments

  1. maioh agi cerita entakit. aku pan suah mega ninga org nusi, laban entakit tu kira ke kami semenua semutik enda sama sungai aja. tapi aku enda ga kala betemu enggau ia. agi idup entakit, nyadi manang ia, ba bintulu.
    bisi ga cerita entakit siti,

    sebedau seduai ia bini ia makai, entakit tu duduk ba ruai, ngiling insap, nginsap meh tudah tuai duduk canguk2 ba ruai. datai bini ia ari bili kejah2 ngangau ke entakit alu bejako, “anang guai bejalai nuan legi entakit, bedau makai, enda alah kami nyau begiga ke nuan maia ke ka makai legi, ko bini entakit. auk, ko saut ia. ia meh kira ke udah tembu berenah, nyau meh bini entakit pansut ke ruai baru ngangau ke entakit makai. peda deh entakit ta ngerayap, bah, lapa nuan bangat bansanya deh entakit? nama nuan sakit enda dapat bejalai? ko bini ia. nya ko saut entakit, ia nuan ga madah, anang bejalai ma bedau makai, nya lah aku ngerayap ia ga bedau makai, ko saut entakit, nama agi meh utai ulih saut bini ia, alu enda bemunyi agi..

  2. Manah endang cukup manah. Ari sepil leka jaku sereta isi karang manah. Aku arap ensera kitai iban ulih dikerembaika agi serata menua Sarawak tu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s