LEMAN BERITA


Empat Sekaban Belaban Munuh Lalat

Bisi 4 iku sekaban, sida makai semeja. Siku bansa Iban, siku bansa Cina, siku bansa Melayu enggau siku bansa Kuboi. Benung sida iya makai peda datai bala lalat. “Aram kitai belaban pemandai” ko kuboi ngebai sida tiga bukai belaban pemandai munuh lalat. Setuju sida tiga nya tadi. “Au, dik dulu” ko ke bansa cina ngagai kuboi nya tadi. “Au.., tau” ko kuboi nya nyaut.

Mansa siku lalat tak tembak kuboi nya ngena pistol lalat nya tadi, pang!!. Nadai temu bangkai agi lalat nya tadi tembak kuboi nya tadi. “Fuh..!” ko kuboi nya nyepu ujung pistol iya pansut asap.

“OK, aku agi” ko ke bansa melayu laban ngai alah laban kuboi nya tadi. Mansa siku lalat alu biau iya ngena keris. Peda belah dua lalat atas meja.

Udah nya ke bansa cina nya agi. Bansa iban agi relax orang menua agi benung majuh. Datai siku lalat mansa alu jampat kepit iya ngena biliek (chopstick). Udah nya alu suap ia. Alu terus meh iya nyuap dalam mangkuk ngena biliek baka nadai nama-nama utai nyadi.

Udah nya bansa ke iban nya agi. “Au udah kita, aku agi” ko bansa iban nya laban baru udah tembu makai. Ambi ia sumpit iya ke engkah iya ba belakang alu sepu iya tang nadai ga bansa cina, melayu enggau kuboi nya tadi meda lalat disumpit iya. “Apa lu sumpit?” ko ke cina nya nanya iya. “Jangan lisau.., mali ikut saya” ko iya ngebai sida tiga. Peda lalat tak lekat ba dinding kena sumpit iban nya tadi. “Wah…! lu kuat lihai woo..” ko bansa cina meda bedau datai lalat udah disumpit iban nya.
Bansa melayu enggau ke bansa kuboi enda memunyi.