NAMA SPESEL KITAI IBAN


~NAMA SPESEL KITAI IBAN~
Dibaruh tu bisi dirintai ka aku nama kitai iban ti tau ngasuh kitai tuchum mimit.. Nya nanda ka kitai iban unik ba pengawa begaga ka nama pangan..

1.         Aki ungkuk – laban tudah ka udah tuai lalu bungkuk mimit, lalu digaga ka bala aki ungkuk..

2.         Aki cakuk- laban pejalai bisi chakuk-chakuk, tauka rungguk-rungguk.

3.         Aki manang- nama aki tu diambi ketegal ia ti kala nyadi manang.. amat tudah udah pencen nyadi manang..

4.         Aki lasu – digaga ketegal aki tu nyu udah tuai, pala nyau lasu.. laban ti kelalu pintar, dia deh sekeda lalu ngaga ka nama ia aki lasu.. ka pan enggai, endang sigi amat..

5.         Aki buban- sapa- sapa kitai enti nyu tuai, buban meh pala… nyu tuai meh nuan aki.. terima aja meh..

6.         Aki punas- nama tu ditempa sida ketegal, tudah ti enda ingat berbini, lalu terus punas nadai anak.. enti agi bujang tau dikumbai bujang skrang..

7.         Aki agu- ketegal ti tuai, dia deh kitai mensia nyau mansang babau, beli , tambab lalu mayuh leka jaku ti sama reti enggau nya.. dia deh kaban diberi nama aki agu, amat pan ia enda agu..

8.         Aki tuli – ti bendar aki kitai tu ukai tuli tang laban ti bengar lalu diberi nama ti spisel baka nya..

9.         Aki antu – ba tinki dia deh nama kaban tu digaga ka urang gerasi anak sanu…, laban nama ti gerasi, dia deh sida ti rindu nundi ngaga ka nama ia antu.. senipak enggau antu gerasi, antu ti pemadu besai..

10.    Aki beram – nyadi aki kitai tu kelalu rajin gawa  ba menua beram.. laban ti kelalu lama bekuli ba menua nya, nyu tuai baru pulai.. lalu dikanggau ka urang aki beram..

11.    Aki mabuk – aki kitai tu kelalu balat mamau, lalu selalu ngirup ai tuak,ninting ari mabuk.. ngirup pagi pan ngirup ia tuak.. enda nyadi utai enti ai nya..

12.    Aki burung- nama ka bendar nama kaban kitai tu bisi nyangkut mimit enggau sekeda nama burung, chunto pipit anak sanu, puna anak sanu, helang anak sanu, kuncit anak sanu.. dah nya lalu dikumbai sida burung.”kini nuan aki burung”.

13.    Aki bayak – pandai amai ga sida nempa nama tu.. nyangka..nyangka aja meh.. aki kitai tu bisi penemu diberi jelu bayak kini..tauka kaban tu rindu makai bayak..

14.    Aki ungkir- nyangka kaki aki kitai tu bisi chungkir kini..

15.    Aki uluh- laban nama kaban ba tinki buluh anak sanu.. lalu dikanggau ka aki uluh.. ringkas, simple, senang disebut ku jaku..

16.    Aki mu-  laban ti bisi gemu mimit. Tauka perut bisi besai mimit..

Nangka nya aja ti ulih dirintai ka aku.. Jaku lalau aku, jimat-jimat kitai enti ka ngaga nama bala kaban kitai.. Kadang-kadang nama ka digaga kitai enda engkeman tauka enda senipak lalu ujung-ujung tau ngasuh kaban ringat.. Enti enggai ditempa ka urang nama nyelai baka nya.. Anang kitai dulu ngepun..Enggai tekena ke diri empu.. Anang ketawa ka nama kaban ti enda tentu manah, amat pan nama sida bisi ngasuh ati kitai geledi ati ka ketawa..Enti bisi nichik ati kitai pan tatka aja..