semaya balang


kala kita ngasuh semaya balang..aku kala, bula ka janji ngagai sulu diri..mula2 labuh pengerindu amai rindu, asai ka dunya nyau dah beganti..tang lama lama aku nyau sedar, pengerindu aku ukai nya ba iya..laban aku nemu nya ukai chinta, mina rindu ati deka bepangan..bala iya nemu kami duai bepangan, tang ba aku kami duai ukai nya bepangan, mina rindu ka ngambu diri aja..terubah betemu lalu deka bepangan, empai entu ngelala budi pangan diri..enti aku nadai pemandai, engka enggai bala iya nyagi tua iya bepangan..ari nya aku nemu, sida ukai nerima aku sepenuh ia..ba pangan aku nya, adu manja amai, nadai nemu gawa, empai ulih bedikari, laban sekula ari rumah, harian.. nya ngasuh aku, nyau mupuk deka ngetik ka iya, mula enda sampai ati, laban ngenang diri ti mula nundi iya, tambah mega aku kala ngagai rumah sida,, meda apai iya balat pemabuk, ngasuh aku nyau takut..udah tua iya begulai, baru aku nemu iya ukai indu ke deka ati aku..ukai indu sesuai ka dibai aku pulai ngagai menua, diau enggau kami ba rumah panjai..ba aku Jadi ukai nya mina bepangai ba chinta enggau pengerindu, tang mayuh agi penemu bukai..chunto iya,  mesti nemu gawa ba rumah panjai, nemu ngintu bala diri sebala, nemu narit ati bala entua enggau bala ipar,– ukai reti nya aku ngiga indu ti menyana, lengkap..ukai semua ga kitai tu lengkap, tang paling kurang nemu mimit ba pengawa nya..

labih kurang 6 bulan tua iya bepangan, tang aku mula ngasai aku ti besalah, lalu enggai ka pengawa tua majak teraju, aku ngiga jalai dikena mutar ka penyalah aku empu..laban aku enggai ka dikumbai enda betanggungjawab..ba kita mayuh, iya aku sigi salah, tang nama guna kitai bechinta enti nadai pengerindu..last aku pan mutus ati madah ngagai iya mai putus..mayuh ga utai dirunding ka aku nama penyadi enti tua iya putus, laban iya amai ngarap ka aku, deka segulai enggau iya..kada enda nyabak deh iya, baka ni ga iya madah ngagai apai inda iya, tambah mega aku kala bejanji deka jadi enggau anak sida, malu amai ga asai ati aku, nama ti nyadi ngagai kaul antara keluarga kami ila..

puas bekira, enggai enda enggai aku minta putus, amai nyamai wai kita minta putus, tang urang sepiak sigi pedis lah..ukai sengaja aku ngaga ulah bakanya, ka pan enda enti utai dah enggai nyadi..laban aku nemu perkara ka deka aku empu, nasib ga aku nadai telanjur ba iya..ba aku kami duai ukai nya bechinta, tang rindu deka bapangan aja..aku minta ampun laban udah nundi bula ngagai nuan wai..giga meh nuan urang baru, anang agi ngarap ka aku, nuan pan udah nemu, pengerindu tua enggai nyadi..

pemacha mayuh..dalam hal kami tu, aku amai salah..tambah mega bala aku deka ngiga indu ti meruan, nemu gawa lalu manah enggau kami sebala..tinggi amai julok ati sida..aku takut ka bakal aku ila, enda diterima laban mayuh dah dipeda aku ba bala petunggal aku ti jadi menantu enda diterima laban nadai ciri2 ka deka ati apai indai..aku enggai baka nya..

ba aku, aku deka malas budi apai indai aku, lebih lebih agi kami sebilik ti udah nyukong aku datai ka bulih masuk universiti baka ka diatu.. aku enggai ka menantu sida indai enda meruan enggau kami sebilik, ti mina rindu ka aku aja..biar pan aku laun berbini, asal apai indai aku bahagia..aku deka meri seduai iya semua penyenang dunya, deka ngemai seduai raun raun..lalu mayuh agi..

lengka ka nya, tu meh pengelaman aku ti deka dikunsi ngagai bala mayuh..nama runding kita mayuh?? siku siku kitai sigi bisi kebuah nama ngaga jalai baka tu..nya aja terima kasih..