Gawai Dayak Iban 2011


Enda lama da agi kitai dayak nyambut gawai 2011..nyau enda berasai nyau ngejang ka taun 2010. datai ga taun 2011. Gawai dayak tu siti ari pengerami kitai iban ti pemadu popular di dinga urang mayuh. Tu tanda kitai udah bulih padi bumai.

Tang anang saru kitai, laban Gawai dayak tu ukai mina di intu kitai iban aja, tang di intu raban bansa ka bukai, baka menyadi kitai bidayuh, kayan kenyah enggau mayuh agi suku dayak ka bukai.

Maya gawai sida ka belelang jauh ba menua bukai, mayuh pulai ke menua diri deka ngerami gawai dayak enggau diri sebilik. Gawai dayak ba nengeri ukai nya sebaka enggau gawai dayak ba rumah panjai menua diri. Kala kita ngasai ka pengerami gawai dayak ba nengeri ? bisi berasai enda entu nyadi enda? Asai ka bisi utai tinggal, asai ka ukai rami gawai.

sekali Ka kita nemu tau ka enda, pengurang nya ke bendar laban ba nengeri ka alai nuan berkerja nuan rami nyengulai enggau urang bukai, ukai begulai enggau diri sebilik. Ari mit sampai ka besai nuan ngintu gawai dayak enggau apai indai, aki enik, kaban belayan enggau bala bakih. Pengerami tentu berasai nyadi lalu bungah diri semenua sigi bungah rindu ati.

Maya gawai kita ke belelang jauh, pulai meh. Anang enda ingat ka urang ba menua nganti, lelenggau ka nuan naka iya penyinu. Apai indai nuan naka iya lelenggau laban nuan enda pulai. Bala bini anak nuan, kada enda ngining anak nuan meda bakih iya ke bukai bisi apai pulai gawai.

KA PENUDI AKU MERI SELAMAT GAWAI DAYAK 2011..

TERIMA MEH LAGU GAWAI TU ARI AKU..