Novel iban | Novel chinta


Tajuk Novel Iban : Pengingat Lama Dikenang Selalu

Pengarang : Justine ( Tuai Rumah Iban2u)

Kena merindang ati sunyi mantup ka pengelenggau cherita lama, dia tudah ati berasai sinu buyu deka begaga ka novel iban. Novel iban tu ngenang pendiau anak bujang enggau anak dara maya ka labuh pengerindu lebuh maya sekula. Penginging enggau julok ati enda ga belama ia ulih japai baka sida Beji ka niki bulan matahari. Semaya pengerindu enda tak baka ka ulih ditulis di tempa peneka ati. Chinta ngeruga dada ukai nya baka ka ngayanka pelepa tanda udah ditaga. Tang jauh di taruh dalam lubuk selepak batu, alai raja bereni baka ka ngemba enda kekebut ngasuh takut. Baka ni ga tudah bujang deka nemu chinta sida endun lengayun indu ridun, laban pengerindu udah ditikau ka jauh ke sadau nyelepak tajau. Rahsia ati ngasuh pangan diri ngumbai diri lebu, empai di nanya. Ni enda pengerindu belama ia ditaruh teguh ngumbai diri enggai belama.

Baka nya meh cherita pengerindu dalam novel iban pengingat lama dikenang selalu, ngenang pengerindu Entakit enggau Miya. Pengerindu dalam dada disimpan Miya enda diserah pia ngapa ngagai sapa-sapa, taja ati udah lama keran. Ujung-ujung ngemula ka pangan diri, ngasuh ati ruruh baka pengelabuh buah engkabang. ketegal nya Entakit mai diri pindah ngagai menua london, belajar ngambi Doktor Perubatan. 7 taun udah nya pulai ketegal deka ngiga indai ia ka lama udah sarak enggau apai iya. Tang enda mukai-mukai betemu baru enggau sulu ati lama ka dulu ngemula. Tang entakit ngaga diri enda ngelala laban agi ringat ka siku nya. Tudah ka dara majak merinsa laban tusah ati ketegal siku nya enda teringat ka ia. Tambah mega umur udah jauh, Miya di pinta sida indai iya jadi enggau petunggal diri enti ia enda bulih lelaki ke diri empu. Dalam ati din, endang siku Entakit ka betatam nyengkilung ati.

Baca meh Novel tu sampai ka abis.