Leman berita Lelaki mayuh bini


Kigongo ba tengah begulai enggau bala anak enggau uchu..

Ba menua ti dikumbai urang Kampala,, siku lelaki ka diau ba Uganda, udah nadai maya umur iya manggai 103 taun. Nama apai tuai urang tu ia nya Kigongo, bisi bini 20 iku. Lalu bisi anak 158 iku. Maya iya ka nadai nya iya udah bisi 500 iku uchu.. Aki tuai tu kala nyadi sedadu maya perang dunya kedua suba. Maya umur iya manggai 80 taun suba, iya jadi sekali agi enggau indu ti berumur 18 taun. Naka meh pemisa jayau penemu dikena aki tuai tu, sampai ka indu ngemiak nya setuju deka jadi enggau iya ti bepangkat aki. Engka laban pementas ati iya kini ngemai sida indu teperasa labuh pengerindu ngagai iya. Ukai nya aja, anak iya kepamadu biak berumur 18 taun, reti nya maya umur iya udah nyadi aki, iya agi dapat ngaga anak, agi bulih tahan.