Minta kerja | Pengangguran | Nama kebuah


Minta kerja – Pengangguran.

Nemu kita, setiap taun nembiak ka abis belajar nembu ka degree enggau diploma bisi nyampau 150,000 iku. Penyampau nya nyangkung IPTA enggau IPTS. Ari pemayuh nya, setengah bulih pengawa 6 bulan pengudah abis belajar. Tang kekadang pengawa diulih sida enda entu setipak enggau pelajar sida. ENTI NYEMA NUAN TEBACA KA ARTIKEL AKU TU.. KUMEN MEH.. BERI RUNDING KITA..

Ko sida bala pemesai anembiak mayuh milih pengawa . Amat kini. Bisi pengamat bisi ga enda. Ba runding aku, aku lebih agi ngumbai tu enda amat. Nama kebuah? Uji nuan meda ba surat khabar, berapa iti aja bisi peluang kerja kusung. Nyema meh graduan kitai sarawak tu bisi 50,00 iku, iklan ba surat khabar mina deka ngambi 1 aja. Pupu rata, sebulan kada enda 1000 iku aja nembiak bulih pengawa. Nya ni nya chukup deh. MILIH PENGAWA, ko sida, tang bakani kitai deka mindah ngagai bidang bukai, enti kelayakan sigi enda ulih. Nyema ka gawa ba kompeni sawit, kelayakan bisi degree petanian, tang nuan bidang sosial, bakani sida ka ngambi nuan laban kelayakan sigi enda ulih. Reti ko aku sebedau minta kerja kitai sigi udah enda layak. Ukai milih ney wai kaban, ka meh kitai minta gawa ba kompeni sawit, ukai milih pengawa, tang kelayakan madah enda ulih. Siti da chunto, pelajar masterskill, bakani sida ka gawa ba kompeni bukai, laban terang-terang bidang sida mina ba spital aja. Kada ka sida kompeni ngaga ruti nerima sida gawa nyadi kerani, enda patut kompeni pembinaan deka nerima sida nyadi supervisor ba tapak pembinaan. RUNDING NUAN ??

Ko sida nembiak kelalu milih gaji. Ok ulih terima. Nyema nuan diau ba bandar kuching. Sewa rumah kira rm200, makai rm200, ptptn rm100, dah nya bayar kereta nuan kira meh rm 400. Semua rm900.. sekali minta nuan pengawa , ko jaku enda milih pengawa, ni-ni pengawa ti ulih napi lalu nerima nuan. Katakan nuan gawa ba kompeni enggau gaji rm 1000. Manah nya enti nuan bulih gaji mesa tu.. berapa gaji nuan bedau..rm100 aja.. adui matai, ko jaku sida Sabah..Ka nuan nerima gaji mesa nya, enda setimpal enggau degree nuan.. Ko aku tu enda nyangkung semua..Reti nya enda ulih enseput..

Mayuh sida abis belajar ngambi degree empai bulih pengawa ka tetap lalu pengawa ka dikerja ukai bidang kad iambi ba universiti suba. OK fleksibel ko jaku sida, tang aku madah ka kita, gaji kita engka enda sebaka enggau gaji urang ka endang bidang nya empu.

Kitai menua Sarawak, bisi SCORE ko sida. Sapa nembiak kitai iban udah gawa ba score tu, tau nyakal penemu aku tu.. Ko sida score beguna ka pengereja pengawa ti mayuh sampai ikas beratus ribu mensia. Reti nya sida deka beguna ka mayuh mensia gawa dia. Lama anggur tu udah didinga kitai ba menua sarawak tu..AMAT KINI?. Ok sapa kita macha tu nemu chara bakani minta pengawa ba score. Sekali nya minta pengawa ari score empu tauka minta pengawa ari kompeni ka bisi melabur dia. Nadai siku nemu. Bisi kita meda iklan ba surat khabar madah ka peluang pengawa mayuh dia..nadai.. tu peleba aku aja. Enti pengawa ungkup kitai ka pangkat degree enggau diploma engka nadai. Tang pengawa sida kerja kontrek, ngaga rumah, ngaga bangunan tauka dikumbai urang  buruh kasar nya engka bisi.. Laban aya aku gawa ba projek ngaga bangunan ba samalaju..Kada enda nya peluang kerja ka disebut-sebut urang ngelamatu deh. Peluang gawa nyadi buruh dia.. enti pengawa ka bansa nya amat mayuh. Alai meh nuan enggau urang gawa dia, enti sanggup ngembuan degree gawa buruh dia. Ipak nya kini. Enti pengawa ka bakanya tau enda ibuh disebut, manah kitai enda ibuh belajar sampai degree enti gawa bakanya besai gaji mendua ribu sebulan..

Siti da agi sada ati nembiak ka baru abis belajar. Meda iklan ba surat khabar. Pengelaman sekurang-kurang nya 2 atau 3 tahun pengalaman bekerja dalam bidang yang bekaitan.. Nyaaaa.. bakani nuan ka minta pengawa bakanya enti nuan sigi nadai pengalaman. Enda patut kitai ka abis belajar terus bisi pengalaman. Endai bakani kitai ka bulih pengalaman enti enda diberi peluang ngiga pengalaman..

Pulai ngagai kompeni. Kala aku datai interview kerja kompeni besai ba sibu. Meseti nemu jaku urang putih. Taja urang ngumbai gawa kompeni mayuh peluang kerja kusung, tang enti kita berati, mina siku aja diambi sida pengudah ka interview. Reti nya peluang kerja ba menua kitai enda entu chukup. Salah sapa? Semua kitai nadai salah, nya meh sida pemesai ngasuh kitai bedagang. Ngereja pengawa diri empu.

Naka tu aja pejurai aku. enti nyema jaku aku salah leka enda berurun aku minta ampun. Ukai aku nyalah sapa2, tang tu mina penemu aku kediri empu aja. Nya aja ari aku.