Lagu Terima kasih Niang Micheal Jemat | Lirik


Lagu ti pemadu sinu didinga aku. Kenyau ari mit suba aku begiga ka lagu aya Niang Micheal Jemat tu.. Maya nya suba aku agi bedau sekula primary. Apai aku meli lagu Micheal Jemat enggau Roslina. Rindu amat ninga sada nyawa iya, sada nyawa tulen, ukai digaga-gaga tauka diedit ngena teknologi komputer baka ka diatu. Lagu TERIMA KASIH digaga iya maya iya sakit lengit ba spital. Pengudah iya nyada ka lagu  nya terima kasih nya, tudah tuai mupuk ninggal ka kitai. Lebuh ningga lagu iya, asai ka neritik nyeregu bulu pegu, ngenang iya ti udah nadai, nyawa agi bisi didinga. Mayuh ga penyanyi ka diatu nyada ka lagu iya baru, tang nadai meh baka asal.

Baka tu lirik lagu TERIMA KASIH

DOWNLOAD LAGU TU

Nadai aku nyangka aku sakit baka tu

Nyau deka ngasuh nyawa lesi bebadi

Kira enam bulan aku ngenat kadiri empu

Makai enggau ngirup ulih anak bini nyapi

Terima kasih ngagai lutor enggau misi

Ti udah ngubat aku siang enggau malam

Terima kasih ngagai bala missionary

Udah nyembayang aku puji tuhan

Bisi sekeda urang nusi berita

Berita angin ngumbai aku udah mati

Bisi sekeda bala karban perchaya

Bisi sekeda enda arap diau diri

Anang kita tusah

Aku gerai nadai ngawa

Badu nampung berita nya agi

Terima kasih ngagai kita semua

Ti bisi datai lalu ngabas aku

Semua pemeri enggau tulung ari kita

Sigi semampai dikenang aku selalu