adat iban | Pengarap beburung


 

Kitai Iban dulu menya pechaya amat ke bunyi burung dikena nentuka nasit siku orang ti ninga iya. Ari tu tadi meh penatai pengarap beburung dalam pengidup Iban menya. Kenu ko orang tuai, Petara ngena munyi burung dikena ia nguasa pengidup mensia. Kelimpah ari Lang Sengalang Burung, bisi tujuh(7) iku burung ti besai amat reti dalam sistem pengarap lama kitai, iya nya Ketupung, Beragai, Bejampung, Pangkas, Embuas, Papau enggau Nendak.

Sekali tu aku datai baru deka bedua ka kita daun engsengga, bebagi ka kita duan ensabi, ngelampang pah kijang, ngua ka kita dagin rusa. Nya alai pengawa bakatu agi meruan digaga, diintu diemparu aku nitih ka adat kemaya ari. Jangka aku mayh kitai enda telepa bepeda ka burung petara, mereti ka bunyi burung penti. Ditu aku deka mantai ka gambar 7 iku burung adat kitai dayak, ti kala nyadi ka tinjau nasit pejalai iban kelia.

Nya alai enti kita ngelala sida, patut bebasa ka sida, anang deka nyetik sida.. laban sida meh kala mantu kitai kelia..

Terubah ia.. BURUNG KETUPONG TAUKA Rufous Piculet

burung adat iban

kedua BURUNG BERAGAI tauka The Scarlet-Rumped Trogon

ADAT BURUNG IBAN

KETIGA BURUNG BEJAMPUNG tauka cristed Jay

KEEMPAT PANGKAS tauka Belatok tauka maroon woodpecker

KELIMA EMBUAS tauka banded kingfisher

KEENAM PAPAU | diard’s trogon

KETUJUH NENDAK tauka white-Rumped Shama