Kisah pengidup bujang

Kisah pengidup bujang..

Ngenang pengidup diri ari mit sampai ka besai..Mayuh experin ( experience) , ko aya agu.. rindu ngenang ulah pendiau unik digaga diri empu enggau bala kaban..bisi nya ngasuh tuchum, bisi nya ngasuh sinu ngenang bala kaban ti bukai. Dah besai baka tu, nyu enda begulai agi. Kini meh penunga kita punggal, nama meh pengawa kita diatu, arap agi ulih betemu baru..

Terubah aku sekula, sekula ti beri diberi nama sekolah kerajaan nanga maong, kira 5 jam ari pasar jalau..ari pasar julau, ngena van ngelawa nanga entabai, enti jalai diatu, dah maju mimit.. ari jelatung nanga entabai, merau ngulu ai kenawit..Datai ba nanga mujok, masuk simpang sungai sebelah kiri, mudik ngulu sungai mujok..Ba nanga mujok bisi rumah panjai, enti enda silap aku, rumah batik..Merau ngena motor ai, engine 15 kuda, bisi laju mimit..kadang terpantup ba batu.. Sungai mujok sigi sungai ai berbatu..Enti suba mayuh kayu engkabang besai-besai nisi sungai.. tang diatu nyau sulai nadai..Setegal pengawa balak, abis kayu ditebang, setegal ngulih ka duit ringgit.. maya ai langkang, suah agi bebatak nanjak rantau..puas terjun narit perau nanjak sungai..enti nasib enda manah, tau ngasuh karam..penyauh menua kami bisi nya 3 jam ari jelatung nanga entabai..

Kisah pengidup bujang..

Kisah maya sekula primary..

Pengingat lama dikenang selalu munyi leka lagu Hilary..

Semua udah diuji ka magang. Kenyau ari tahun satu udah ngasai ka pemenrinsa diau ba sekula, nadai tadika. Bemalam ba asrama. Tindok enda betilam,ba alas ka tikai beban. Kadang2 tindok sengapa. Tindok berimbai enggau bala kaban. Taja sekut tang cukup rindu, tindok enggai jauh, tanda takut.. kira jam 10, engine api padam..nama penyadi dunya nyau petang..ka bira malam, pan takut, jamban ga jauh, tat ka aja meh.. bisi sekeda bala kaban bira dalam bilik..kemi ari jendela..ni enda, ukai nya baka di nengeri bisi api elektrik..

Ujung minggu nadai pengawa bukai, rindu bermain aja. Kadang2 berambat ngena kain mandi ba sungai..rindu ka nupi anak ikan..maya lepa mimit, bejalai ngagai jalai lipan, deka ngiga buah asam.. dah nya tiki.. sekali kami kena tangkap cikgu, laban keluar nadai pemendar. Kena palu cikgu, ukai nya tau ngasuh sedar.

Maya mandi ba sungai, nadai nemu ngena sabun..nyemerai ari seberai ke seberai, enserur/nyelam sigi datai ba tanah seberai. Nadai nemu takut.. maya ai besai pan mandi meh taja ditanggang..nepan sebelah batang ti anyut ari ulu..hehe..sigi terer anak iban nyemerai.. abis mandi terus pulai ka asarama. baju sigi enda disabun dibasu.. ni enda tumbuh peta menua ba baju..maya kaban mayuh, sigi deka nyadi rambor, main timbak, belalai sebelah lutak nisi sungai..besenapang ka agang kayu.. pala sigi dikebat ka akar melabu, ngica ka staring agi..

Maya lemai, sebedau masuk kelas, sigi dikena main gagai ngau pangan diri..nyau peluh-peluh, nya baru ati lantang..maya enda puas ati ngau pangan diri, sigi belaya.. baka mayau enggau ukoi..pagila begulai baru..

Maya makai, selalu deka makai lebih.. sigi bam..hehe..selalu minta baru ari indai sekula ( cooker ), lebih-lebih agi enti belauk ka manuk.. bisi sekeda nya, sanggup nyimpan lauk manuk dalam tancut.. ni enda maya malam tancut dikerit cit..

Sekula kami, maya aku tu suba, taun 80an suba, jamban sigi enda menuku, enda ulih endur bira.. nya alai kami bira ngagai babas.. tang kami ka laki unik mimit.. bira enggai enda mayuh penumbuh, bira niki pun kayu, berkajangkit baka bala nyumbuh bala kera.. peda beketepak tai labuh..wek.. tang empai didinga bala labuh ketegal bira.. tang nasib enda manah, sigi terindik ka tai urang bukai..bira besengkilu ka kertas tauka papung kayu..enda pan ngena daun.. nya meh sekedua bisi bau-bau..enda lis dituchi..

Maya lapar, kami sigi begiga ka pemakai.. ngenchuri buah ba kebun ti semak semak..buah koko pan empa.. tang selalu kami makai buah empasa..em bauh empasa ratan pan embal ka aja meh..enda ka bebadi laban nya.. bisi nya ditunu, bisi ga diempa terus. Empa mata, ni enda mayuh lundong dalam perut ( trematoda tauka cestoda ko basa sainstipik ia. Tau mega disebut cacing pita.kerawit) .. sapa enda pechaya tau nguji makai buah empasa mata..anang takut ka lundong nya.. bisi sekali kami dibai bala kaban makai siput babi (Phylum Mollusca//gastropoda).. tunu nyamai ar..asai makai jani, belemak.. tang diatu enggai ga aku makai utai nya..

Nurun ka sekula, ukai nya besekula..mayuh agi ka bermain..nadai ati ka sekula..masuk kelas, anti-anti loceng ka bermunyi.. nya meh aku terus enda nemu macha..dalam kelas sigi ngembuan tanga kemudi..tang jarang ga aku number encit..kira nimba perau meh.. ba sekula anti anti ari lima, ngambi ka ulih pulai ke rumah.. rumah panjai enda jauh ari sekual, ulih bejalai darat..

Maya pulai ke sekula, ulih apai indai nganjung belama..enti enda enggai pulai ke sekula.. enda tau enda diberi duit kena meli kuih keropok..meli kuih tusu ( gula batu lah)..enti enda, sigi enggai pulai ke sekula..ulih mujok belama..maya apai enda liat ati, disipat ngena rutan..nya baru deka pulai..nyabak meh nya. Tang indai lembut mimit, mujok ngena jalai ti meransang..huhu..

Rumah panjai kami bisi 40 pintu, sebadau taun 2008..tang diatu dah berbagi dua.. tuai rumah kami, ianya tapak aki aku,,menyadi enik aku..bedau mit suba, takut amat aku ka aki tuai rumah..manggah amai iya, mata melut mimit..nama aki tok ianya TUAI RUMAH BANGOM..pengelama 20 taun lebih ia nyadi tuai rumah kami, taja pan iya nadai sekula, enda nemu macha.. nya meh sekeda rayat ia ngengai ka iya..TANG aku ukai ka nusoi ka nya..aku deka ngenang pendiau anak rumah panjai..

Agi mit, aku endang mayuh perangai ulah dikerja..selalu main tengah laman..main lutak, ni enda tubuh nyau bekurai.. main baruh rumah, abis empa tungau, teka enggau ama manuk (phylum arthropoda / CLASS ARACHNIDA / Order acari ( tick and mites )). – biasa lah, pelajar taxonomi kata kan..

Maya lepa, kami sekaban deka nyetik burung, nyempulut sebelah sungai..ukai nya ka makai burung, rindu ka nupi ia aja..dua tiga ari burung nya mati..bisi maya ga kami mansai ba sungai..rindu ngulih ka ikan, undang gerama.. enda mansai, deka nubai..leju ngereja pengawa nya kami deka nyelam ikan, mukat ngelekat..main ba sungai bersari-sari.. di anu pan, ukai nya ninga..

Bejalai ba babas ngiga buah ti tau diempa.. baka buah lengkan, buah letup, buah lemba, buah jugam, buah kera, buah lengki, buah kemunting enggau mayuh macham leman buah. Taja enda ngasuh kenyang tang rindu deka makai..rindu amai ku ngenang pengawa kami nya..

Bisi ka terer mimit, nemu ngetan panjuk.. panjuk ditan sebelah madang getah, madang koko.. kadang tekena ka manuk.. ni enda kena anu bala sida aki enik..

Maya bilun engkabang, bilun cecawir mangsa atas langit, beterauh nunjok ka bilun.. kati enda baka nya, ukai nya kala meda bilun semak..dalam ati din, kati bilun besi tau terbai..nya meh ngasuh iran ati.. dalam ati din lalu nyima Kediri, enda nepan bilun, negu aja pama meh.. maya ke pasar, sigi deka meli ayam bilun, pama meh..

Lemai ari ba rumah panjai, kami ka nembiak bermain-main ba tanju.. sida ke bujang lepak sambil nyirut ka rukuk apong.. sida ke tuai berandau ruai nganti ari malam.. bisi nya ngidup ka engine api, bisi nya enda, lampu kelita aja di engkah tengah ruai.. maya malam kami ka nembiak meda Tv, dini2 endur bilik ti bisi ngembuan tv.. meda cerita kartun, ti dikerindu ka.. enti cerita enda manah, pindah ngagai bilik siti da agi, ngicha ka cerita manah agi..Cerita robot cop, cerita rambor, cerita dorimon,power ranger enggau cerita atromen—cerita ti paling ku minat..pulai meda tv, sigi nunda ulah cerita nya tadi—nunda stail atromen, stail rambor..

Maya bumai, enggau bumai.. nulong sida indai ngangkut ai irup ka urang tuai..maya nugal, rindu deka belanda kin kia nujah madang umai..enggau bala kaban, mubok matal, nangkap buntak ( arthropoda//hexapod).. enti enda nya, kami sekaban rindu main dai, nyelam ikan, mandi mandi.. maya ngetau, ngumba ka diri enggau ngetau..tubuh abis miang laban padi.. kadang ngasuh nyadi gatal..

Siti pengawa paling dikerindu ka aku, ianya ngau aya aku sepiak ngasu beburu.. nya alai kami mayuh nupi ukoi.. kenyau ari mit, kami dibai neresa babas, nujah menua, meraka sungai, ngerembang babas ngagai jelu.. tang kelebih agi, kami ngiga jani.. jani ti pemadu nyamai..goreng2, rebus2..wow sedap nya.. enti lebih, digaga ka kasam..digaga nyadi but.. aki ku ka amai makai but jani..dini enda bilik nyau bau..tang sida ka tuai rindu amai makai But jani.. enti dah makai nya, ka ami engkululut nutu kitai..engka nya bau rengut kini.

Suah mega aku dibai sida aya, sida apai beban dalam kampong.. diau dalam kampung sampai sebulan..nyadi pengawa kami ka nembiak, sigi nyadi lori, narit kayu ramu ti udah disayat..dalam ati din sigi muchau..Tang diau dalam kampong mayuh lauk, laban ti mayuh jelu ti tau diempa.. siti penyalah ia, mayuh nyemetak.. agi mit suba, nyebak aku nempa nyemetak..tang ari peneleba, nyau berani lah.. siti penyalah nyemetak, selalu ka target telu kitai..hehe..

Kami sebilik bisi ngembuan ladang getah enggau lada.. indai laban ti rajin, pagi pagi dah nurun nangkal getah..taja maya nya suba getah enda tentu berega baka kediatu.. aku mina datai nulung enggau muat aja..maya ati enggai, abis rebah labuh ai getah ari tong pemuat.. nurun ke lada, enggai ngesum enda lama.. em ka nda lama ja.. ngumpul buah lada ngasuh sebening pala, hehe laban ti enggai..kedalih aja..menua kami tebal agi betanam ka lada enggau getah..kami sebilik bisi ngembuan 2 iti kebun lada..Aki aku ti rajin nanam ngintu lada..ninting ari diau ngintu lada..diatu ia nyau tuai..patung nyau pedis, pending nyau bebal..kasih meh nuan aki, ngiga belanja nyegula ka aku..terima kasih aki..

Tebal agi kami nembiak rumah panjai, selalu bekena ka tancut pandak..maya sekula mega aku ampit enggau urang ngena tancut sekula pandak..baka askar jepun..lucu nya..betis bekurai peda urang..dah ga tubuh ti enda manah..chelum..

Nama agi neh..

Siti da agi, aku tegal enggau urang ngesan kayu, ngesan guni.. lebih tegal agi ari petunggal aku, ia ka tuai setaun ari aku. Selalu enggau urang ngambi kayu dapur..enggau berangkut ka guni padi maya udah badu ngetau..

Apai aku urang kerja balak..kenyau ari aku ada, ia sigi udah kerja balak, driba lipan..nya meh aku dibai diau ba kem kayu balak ari mit datai ka aku sekula.. ditinggal ka begulai enggau aki enggau enik..

Nya meh kenang aku maya agi sekula primary..

Kisah pengidup maya sekula secondary..

Pengabis taun 6, kami dipinta ngerigister diri ba sekula SMK JULAU..diau ba asrama..enda kala harian aku.. aku masuk kelas 3B..diau ba asmara begulai enggau kaban ari mayuh sekula ti bukai.. ulah pendiau lain mimit ditu.. maya rehat meli mee ngagai kantin..malam pan baka nya..ujung minggu selalu raun2 ngagai pasar julau, taja nadai duit, sanggup bjala kaki..

Ujung minggu kami selalu nyepat ( nangkap ikan sepat ba pegong tbiar)..dah nya tunu..aku nyadi bos lah.. bisi bala kaban ka amu agi, sanggup ngenchuri manuk cikgu sing meng..enchuri kangkong mega..

Dalam kelas, aku paling benci belajar bahasa English,laban cikgu ka ngajar manggah amat..bini pengetua, nama ia cikgu maria..enggai amat aku kelas ia..enti ia ringat selalu ka ngugut bok kitai..aku laban ti blur mimit, selalu amat kena anu iya..

Masuk pom 3, maya PMR datai..belajar ngapa2 lah.. aku maya nya minat subjek matematik..seninjik maya keputusan PMR keluar aku bulih A dalam matematik..PMR aku bulih 5A, 2B enggau 1 C.. c nya lah English, nasib nda gagal.. kaban ka bukai makin tinggal gasak aku..

Aku pan enda temu, tiba2 aja aku deka rajin belajar..pom 3, aku tempat ke 7, ari semua pom pelajar pom 3..

Pom 4, aku ngambi sains tulen.. mula, belajar biologi, kimia, fizik enggau matematik tambahan nadai utai nemu.. tang aku nyulut mimit ari kelas aku.. enda nyangka2 aku bulih numbor satu dalam kelas sains tulen..nya ti meransang aku ngetan ka penuduk aku..sampai pom5, aku tetap numbor satu dalam kelas sains.. semua subjek sains aku endang terer lah..itu dulu bah kan..

Oh yer bah kan..bala kaban rapat aku ianya baka bintil, methew, unggang, lius, epat, george, alus, ragai..enggau mayuh agi..

Pom 5 mega aku nyadi pengawas, megai jawatan ketua dewan makanan dan dapur…selalu lah kami ngemai makanan ari dapur, taja cook dia enda tentu rindu meda kami..

Aku mula sedar, aku nyau bisi ati deka bercinta..Mayuh ga sida ka indu minat deka bekelala ngau aku..Tang nadai siku ulih nyadi pangan aku..Setegal aku jual mahal..Sebenarnya pemalu lah..

Pom 5, nyau datai ngagai pengunjung ia..SPM belajar meh..enda ga belajar enggau bendar..Maya SPM, kertas bahasa melayu, tetiba ja aku tkena pisa/bisul ba burit..Nya ti ngasuh aku enda ulih concentrate dlm peperiksaan..

Maya SPM, kami sekaban selalu berambat ba pegung belakang blok c..Ikan dia maya nya besai besai.. Sekali cikgu francis nemu kami..Warden asrama..Tang enda mukai ia pan enggau kami..

Pom 5 abis….aku nyadi orang awam..Bangga lah dah abis sekula..

Kem khimat Negara

Kira seminggu aja aku diau ba rumah, dah nya lalu enggau PLKN, ba junako park ba sibu..Dalam siri ke 2, intake petama..Mayuh macham utai dipelajar ka kami…Aku, alus, liban enggau ghani melapor ba kem nya..Aku masuk kompeni alpha…

Pagi kami mesti bebaris pagi, dah nya jogging…Abis nya terus serapan..Dah nya masuk kelas…Lemai bisi latihan fizikal…Mlm ninga ceramah ari ketua jurulatih, encik tarang..Ingat lagi aku nama iya…Maya latihan fizikal, bisi latihan flyfox, kawad, upseling,kayak, berakit, latihan hutan..Nama agi Neh…Nyu enda ingat aku…Kami mega bisi ngaga khimat masyarakat…bisi ngagai rumah urang buta…Ngumpul uras ba sibu…

Aku sempat bekelala enggau indu dara, baka sida Nunya, Stella enggau Eda…nya meh pangan aku maya nya…Elaun maya nya bisi rm300 aja…

Tingkatan 6 ba smk meradong

Aku sempat masuk pom 6 mina 3 minggu aja…Masuk group biologi..tinggal ba asrama ti lama..Dah ga begulai enggau bala budak pom 1, 2,3,4,5…makai pan enda nyamai..enti enda makai kena bayar..Undang2 pan ketat…Nadai mayuh kenangan aku maya pom6..

DIPLOMA UITM KOTA SEMARAHAN

Aku bulih tawaran kemasukan ngagai uitm…Terus aku pindah lalu berhenti ari pom 6 bawah…

Besambung…

IJAZAH SARJANA MUDA DENGAN KEPUJIAN DI UMS

Bersambung..